Eqqumiitsuliornermut Aningaasaateqarfiup 2021-mi pilersinneqarmalli siulittaasuusimasoq Julia Pars ukiormanna februaarimi siulersuisuniit tunuarnerata kingorna apriilimi siulersuisut allanngorput imatullu inissitsiterlutik:
Siulittaasoq: Arnakkuluk Jo Kleist (2021-miilli ilaasortaq)
Siulittaasup tullia: Jacob Froberg (2021-miilli ilaasortaq)
Siulersuisuni ilaasortaq: Hans Jukku Noahsen (2021-miilli ilaasortaq)
Siulersuisuni ilaasortaq: Ane Marie Ottosen (2023-miilli ilaasortaq)
Siulersuisuni ilaasortaq: Ujammiugaq Engell (2024-miilli ilaasortaq)
Kultureqarnermut Naalakkersuisoq innersuussisinnaasut innersuussaat tunngavigalugit Eqqumiitsuliornermut Aningaasaateqarfiup siulersuisunik toqqaasarpoq. Maanna ilaasortaasut ukioq 2025-p naanissaata tungaanut toqqagaapput.
- Aningaasaateqarfiup aallartinneraniit Julia Parsip sulilluarsimaneranut suleqatigiilluarsimanitsinnullu Eqqumiitsuliornermut Aningaasaateqarfik sinnerlugu qujaffigerusuppara. Siulersuisuni sulinerput ingerlatiinnassavarput eqqumiitsuliornermut tapersersuineq ineriartortitseqataanerlu aallullugu, siulittaasunngortoq Arnakkuluk Jo Kleist oqarpoq.
Attavissaq: Eqqumiitsuliornermut Aningaasaateqarfimmi allatsi
Inger Heilmann, tlf.: 34 57 51, mail: kultur@nanoq.gl